شەفەق نیوز/ حەمزە رزیکی وەرپرس راگەیانن وەڕێۆبەرایەتی تەندروسی پارێزکای دهۆک، ئمڕوو یەکشەممە، ئاشکراکرد ک سێ کەس ئەرا دوویەم جار تووش ڤایڕۆس کۆڕۆنا هاتن، دویای خاسەوبوینیان لە یەکەم تووشهاتن.
زریکی ئەرا ئاژانس شەفەق نیوز وت: سێ تووشهاتگەگە خاسەوبوین دویای دوویەم جار لە تووشهاتنیان وە ڤایرۆسەگە، وتیش؛ دووان لە تووشهاتگەگان بیمارییان سووک بوی، و کاریگەری لەلای سێیەم تووشهاتگەگە سەخت بوی.
وەرپرسیگ باس ئی رووادوە کرد ک یەکەمە لەی جوورە لەوەخت بڵاوبوین ڤایرۆسەگە لە دهۆک، و دووپاتکرد لە گرنگی پابەندبوون خاسەوبویەگان وە ریکارە تەندروسیەگان.