شەفەق نیوز/ ئیدارەی ناحیەی بنگرد، ئمڕوو پەنجشەممە، راگەیان کارەبا رەسیە وە یەکیگ لە ئاواییەیل ناحیەگە وە ئامانج خاسترکردن خزمەتگوزاری و گوزەران هاوڵاتەیل.    

ئیدارەی ناحیەی بنگرد سەر وە قەزای دوکان لە بەیاننامەیگ رەسییە ئاژانس شەفەق نیوز وت: وە تەقەڵای فرەیگ وە لایەن بەش کارەبای بنگرد و وە هاوکاری وەگەرد وەڕیەوبەرایەتی بەشکردن کارەبای سلێمانی تۊنستن وزەی کارەبا برەسننە هاوڵاتیەیل ئاوای ( تومار) لە خوەرئاوای ناحیەگە. 

وتیش؛ ئامادەکاری رەسانن کارەبا ئەرا ئاوای تومار لە ساڵ 2013 کریایە، باوجی لەوەر قەیران دارایی و جەنگ داعش رەسانن کارەبا ئەرا مەردم ئاوایەگە دۊیا کەفتیە.    

دووپاتکرد، ئی ئاوایە لە ماوەی دروسبۊینی تا ئمڕوو کارەبا نەرەسیە وەپی لەوەر دۊری لە ناوەن ناحیەگە و سروشت جوگرافیەگەی.