شەفەق نیوز/ وەزارەت تەندروسی لە حکومەت هەرێم کوردستان، ئمڕوو چوارشەممە، راگەیان؛ هۊچ مردنیگ وە ڤایرۆس کۆڤید-١٩ لە ماوەی ٢٤ سەعات گوزەشتە توومار نەکریایە، و هەمیش باس ئاشکراکردن ٥٣ تۊشهاتن نوو لە گشت ناوچەیل هەرێم کوردستان کرد.
وەزارەتەگە لە بەیاننامیگ رەسیە ئاژانس شەفەق نیوز وت: تاقیگەیلی لەماوەی ٢٤ سەعات گوزەشتە ٤١١٤ وەشکین نوو ئەنجام دانە، لەناویان تۊشهاتن ٥٣ کەس توومار کریا، وەرانوەر خاسەوبۊن ٨٦ بیمار لە گشت ناوچەیل هەرێم کوردستان، وەبی توومارکردن هۊچ مردنیگ ئەرا دۊەم رووژ لەپشت یەک.
بەیاننامەگە وتیش" شمارەی ئەو کەسەیلە ک کەرەنتین کریانە رەسیە ٢١٨٧١ ، و تاقیگەیل وەزارەتەگە ٤١٣٤٣٥٤ وەشکین ئەنجام دانە، لەناویان تۊشهاتن ٤٣٦٢٥٥ کەس ئاشکرا بۊە، لەلیان ٤٢٧٩٨٢ بیمار لە پەتاگە خاسەو بۊنە، و ٧٤٣١ مردنە.