شەفەق نيوز/ حکومەت هەرێم کوردستان، نیاز هەناردەکردن پشتدەسە لە مامر ناوخوەیی وەرەو دەیشت عراق دیرێد، دویای ئەوە کە لە هەناردەکردن خا دەسەوکارەو بوی، ئەوەیش وەگورەی قسەی بێگەرد تاڵەبانی خانمە وەزیر کشتوکاڵی و سامانەیل ئاوی لە کۆنگرەیگ رووژنامەوانی، ئمڕوو یەکشەممە.
تاڵەبانی لەناو ئەو کۆنگرە کە لە بارەگای وەزارەتەگە وەڕیەو چگ وە ئامادەبوین پەیامنێر ئاژانس شەفەق وت: بڕیگ لە بەرهەمەیل کشتوکاڵی ئەرا دەیشت وڵات هەناردە کریا، وەلێ تەقەلا دەیمن ریژەی هەناردەکردن زیای بکەیمن، و بازاڕ ئەرای دابین بکەیمن.
وتیش: ئیمە ئیرنگە هایمنە فتراق دروسکردن کۆمپانیای گەورەیگ لە ئاست هەرێم کوردستان، ئەرا وەبازاڕخستن بەرهەمەیل، و پشتگیریکردن خاوەن پڕۆژەیل مامر، وتیش: وەزارەتەگە داوایگ فەرمی ئەرا ئەنجومەن وەزیرەیل هەرێم کوردستان پیشکەش کرد ئەرا وەرگردن رەزامەنی وە دەسکردن وە دامەزرانن ئی کۆمپانیا، و تا بتوانیمن ریکارەیل هەناردەکردن مامر ئاسانەو بکەیمن.
وتیش: دەسوە هەناردەکردن خا ئەرا دەیشت وڵات کریا.