شەفەق نیوز/ وەپای راپۆرتیگ لە ئاژانس خەوەری مێهر، پەیوەنیە گشتیەیل ئیدارەی گشتی میرات فەرهەنگی و گەشتیاری و پیشەیی دەسەی پارێزگای کوردستان راگەیان، رێوڕەسم فەرهەنگی-ئایینیی "هەزار دەف پاڵنگان" لە بەروار 22 گوڵان ئمساڵ هەتاوی وە شمارە (204191088) لە رووژشمار رووداوەیل گەشتیاریی ئیران توومارکریا.
لەخەوەرەگە هاتییە، توومارکریان فەرمیی رێورەسم "هەزار دەف پاڵنگان" کە گشت ساڵیگ لە ئاوایل پاڵنگان سەر وە شار کامیاران وە مەبەست بووژانەوەی مۆسیقای عێرفانی و تۆکمەی شوناسی خۆجێی و ئەوزەڵداین گەشتیاریی فەرهەنگی وەڕیوەچوود، لە چوارچمگ سیاسەتە مەزنەیل وەزارەت میرات فەرهەنگی، گەشتیاری و پیشەی دەسی و لە پێناو ناسانن و پاڵپشتی وەرچەویگ لە رویداوەیل خۆجێی و ناوچەیی ئەنجام دایە.