شەفەق نیوز/ شمارەی تویشهاتن وە ڤایرۆس کۆرۆنا  وە شیوەی وەرچەویگ لەماوەی بیست و چوار ساعات گوزەشتە لە هەرێم کوردستان وەشیوەیکەمیگداوەزیا، هویچ پسای مردنیگ توومار نەکریایە. 

لە بەیاننامیگ وەزارەت تەندروسی هەرێم کوردستان، ئمڕوو یەکشەممە، رەسیە ئاژانس شەفەق نیوز هاتیە تاقیگەیلیان لە ماوەی بیست و چوار ساعات گوزەشتە 1518 وشکین ئەنجامدانە 26 تویشهاتن وە ڤایرۆسەگە دەرچگە لە گشت ناوچەیل هەرێم. 

لە بەیاننامەگە دیاریکرد ک 35 تویشبوی لەو ماوە خاسەوبوینە، وەبی ئەوەگ هویچ مردن نوویگ توومار بکریەێد، لە نیشاندەرەگە‌  داوەزین وەرچەویگ لە ڕێژەی مردن و تویشهاتن وە ڤایرۆسەگە دیاری کەێد. 

لە بەیاننامەگە، شمارەی ئەو کەسەیلە خستەڕوی، ک لە ماوەی بڵاوبوین ڤایرۆسەگە لە گوزەشتە تا ئیسە 21871 کەس بەستەری کریانە و گشتیان دەرکریانە لە دویای دڵنیابوین لە خاسەوبوینیان، تاقیگەیل وەزارەتەگە  4167599 وشکین ئەنجام دا، کە نیشانی دایە 436899 کەس لە مەردم تویش ئەو ڤایرۆسە هاتنە، ک 428999 بیمار دوای چارەسەر خاسەوبوینە، 454 بیمار لە چەودێری تەندروستی مەننە، و شمارەی مردنەیلە  7446 کەسە لە گشت ناوچەگان ناوچەگە.