شەفەق نیوز/ وەریەوبەرایەت پارێزگای سلێمانی، ئمڕوو جومعە، راگەیان توومەتباریگ دەسگیر کردنە ک کەپسول پەرەشوتەگەی ئاگردایە و فرێدایەس خوارەو و بویەسە هووکار سزیان بەشیگ لە پووش و پاوان کویەی گوێژە. 

ئاسایش سلێمانی لە بەیاننامیگ راگەیان، " ساعات ٦:٠٠ شەوەکی ئمڕوو جومعە لە کویەی گوێژە پەرەشوتیگ ئاگرلەلی کەفێدە خوار  و بویەسە هووکار سزیان بەشیگ لە پووش و پاوان کویەگە، دویای رویداوەگە دەسوەجی هیزەیل ئاسایش دەسکردنە وەدویاچگن خێرا لەماوەی کەمیگیش توەنستنە پەرەشوتەوانەگە پەیابکەن و دەسگیری بکەن، دەرچگە ناوی (ع ، أ ، أ) لەداڵگبوی  1991 و یەکیگە لە تیم یانەی فرۆکەوانی سلێمانی". 

ئاشکەرایکرد، پەرەشوتەوانەگە ئەرا مەشقکردن فڕیە و لەوەر هیزگردن کەپسول دوکەڵ پەرەشوتەگە وەناچاری فرێدایەس خوارەو، ئیرەنگە دەسگیرکریایە لە وەریەوبەرایەت ئاسایش رێکار یاسایی وەرانوەری ئەنجام دریەێد.