شەفەق نیوز/ رەشەبای تونیگ تێکڵا وەرد واران کە، دویەکە شەو دا لە قەزای چەمچەمال سەر پارێزگای سلێمانی، زەرد گەپیگ رەسانە سێ مەکتەو لەناوچە جیاوازەیل قەزاگە.
وەڕێوەبەرایەتی پەروەردەی چەمچەمال عەبدوڵلا حەمە کاکە رەش وە ئاژانس شەفەق نیوز خەوەردا، مەکتەو "گۆلشەنی بنەڕەتی" لە سەنتەر قەزای چەمچەمال زەرد گەپیگ وەپی رەسیە لە ئەنجام تونی وا و واران رفتیگ کە دویەشەو ناوچەگە وەخوەی دیەسێ، بویەسە مدوو وەتەواوی رمیان کەرەڤانەیل سەر وە مەکتەوەگە، وەبی هویچ توومارکردن کلەمەداربوین مرۆیی.
وتیش مەکتەو ئامادەیی ترەک لەناحیەی تەکیەی زەرد دیە، دویای ئەوەگ ستوین کارەبایگ لەناو مەکتەوەگە رمێد، بویە مدوو ئەوەگ ئامادەنەود ئەرا پیشوازیکردن لە خوەنەوارەیل.
دیاریکرد، مەکتەو سێیەم کە زەرد دییە مەکتەو "مروان ههم نهدە"س لە ناحیەی شۆرش، کە لە ئەنجام رەشەباگە زەرد وەپی رەسیە، وەبی ئەوەی زەرد گیانی تووماربکرێد،
دووپاتکرد، لیژنەیگ تەکنیکی دەسکردنە وە مەزەنەکردن بڕ زەردەیل ئەرا دەکردن وە کارەیل خاسەوکردن، داوا لە لایەنەیل پەیوەنیدارکەیمن دەسوەجی دەستێوەردان بکەن ئەرا مەکتەوەیل زەرەد دی و مسۆگەرکردن وەردەوامی پرۆسەی خوەنین لەناوچەیل زەرد دی.