فەرهاد هاشم، خاوەن دوکانیگ کەرەزات و شیرینیە، لە قسەیلی ئەرا ئاژانس شەفەق نیوز وت: “سلێمانی وە چەرەزات و شیرینی ناسیاس و وە درویژایی ساڵ داوا کریاگە، بەڵام هەناێ بوونیگ بوود کارەگە جیاوازە، کە خوازین لەلایەن خەڵک فرە لەبانی فرەترە.

وتیش: "چەرەزات و چکلێت وەگشت شیوەیلی بویەسە داب و نەریتی لە جەژن و بوونەیل وەتایبەتی جەژن ڕەمەزان و جەژن قوربان و لە وەختەیل  وەهار، هەروەها ئەو جویرە سۆسیس و گەزووە کە تایبەتە وە شار سلێمانی وە تەنیا”.

 ئەو هاوڵاتیە ئەبو عەلی ئەرا ئاژانس شەفەق نیوز وت “هاتیەسە بازاڕ ئەرا سەنین جویرەیل  چەرەزات وەگورەی ئارەزوو و تام و ئەوەگ خوازێد بخوەێد بيجگە سەنین سۆسیس چوینکە جاروبار ئەوانەن کە خوەشیان لە خواردن شەکر دروسکریای نییە، ئەراوە خوەنەی یا پشکەش میوانەیل کەمین چوینکە شیرینییەگە کە سروشتییە” وتیش؛ لەی مانگ پیرووزە، کەسی رووژەوان هەمیشە خوەشی لە خواردن شیرینییە دویای شکانن رووژگ یا وە شیرینی رووژگ بشکنێد، ئەراوە چەرەزات و شیرینی و چکلێت لە خواردنە گرنگەیلە  لە ڕەمەزان و جەژن.

 جویرە جیاوازەیل

 کامەران دڵشاد (خاوەن دوکانیگ چەرەزات و شیرینی لە سلێمانی) وت؛ خەڵک شار سلێمانی وە دووسدار و بخوەر فرەیگ چەرەزات و شیرینی ناسیانە، ئەراوە تیەنە بازاڕ ئەرا سەنینی.

دڵشاد لە قسەیلی ئەرا ئاژانسمان وتیش:  فرەی ئەو بنەچەی چەرەزاتە لە ئیران و ئەمەریکا هاوردە کریەێد، و نرخییان لە 18 هەزار دینار رەد نیەکەێد و لە 11 هەزار دینار کەمتر نییە، وتیش؛  خواست لەبان کوالێتی خاسیش زیای کەێد .

 گەشتیاری و چەرەزات 

 شەدهان مەجید (گەشتیاریگ لە سلێمانی)، باس ئەوە کرد کە لە پارێزگای دیالەو هاتگە، و وەردەوام جویر گەشتیاریگ تیەنە سلێمانی ئەرا خوەشی وە کەش و هەوا خوەشەگەی، ئەرا سەردان بازاڕەیل و ئەوەگ خوازێد بسینێد، لەوانەیش سەنین چەرەزات و شیرینی، کە ئەو جویرە چەرەزاتە لێرە پەیا بوود لە پارێزگای دیالە نییە، ئمڕوویش گەزوو و فستق و گشت جویرەیل سۆسیسێک ئەرا خوەم کەسوکارەیلم سینم کە داوا کردنە.”

 سوودەیل چەرەزات 

پسپۆڕەیل خوەراک هەمیشە تەمەی خواردن چەرەزات کەن لە مانگی ڕەمەزان، و وە یەکیگ لە خواردنە تەندروسەیل و خواردنە سووکەیل دادەنرێد، کە سەرچاوەیگ نایاب ڕیشاڵ و چەوری تەندروس و پرۆتین ڕووەک و دژە ئۆکسان و چەن مادەیگ خوەراکی گرنگ و سوودبەخش ترە وە تام و ئاسانە ئەرا وەدەسکەفتن، و چەن جویریگ چەرەزات هەس، جویر بادەم، کەرەزات، کاجو، بوندق، سنەوبەر، و فستق، كە وە برشیای، دویکەڵاوی بخوریەێد.

 وەگورەی شارەزایل خوەراک، هەر 100 گرام فستق 567 کالۆری هاناوی، و بەشدارە لە داوەزیان کیش و ریگری لە دروسبوبن ریخ ژاڵە کەێد، بادەم 579 کالۆر هاناوی و ڤیتامین E ئەرا لەش دابین کەرد و ئاست شەکر خوین رێکەو کەێد، فستق 560 کالۆر هاناوی و بەکتریای سوودبەخش لە لیخەروو زیای کەێد.  کاجو 553 کالۆری هاناوی و سوود لە مقیتیکردن تەندروسی سوخان و بەرزکردن تەندروسی دڵ دیرێد، و گردەکان 654 کالۆری هاناوی کە ترشی ئۆمیگا 3 دەێدە لەش.