شەفەق نیوز/ وەڕێەوبەرایەتی هاتوچو پارێزگای هەولێر پایتەخت هەرێم کوردستان، ئمڕوو پەنجشەممە، خەوەردا لە کەفتن رۊداویگ هاتوچو نزیک فرۆکەخانەی ناودەوڵەتی هەولێر بۊیە مدووی گیان لەدەسدان کەسیگ و تۊشبۊن وە زەخمداری سەختیگ کەسیگتر.  

قسەکەر وەڕێەوبەرایەتیەگە فازڵ حاجی لە بەیاننامیگ وت، لە ساعات 1:30 شەوەکی ئمڕوو لە ری 120 مەتری ماشینیگ لە جۊر "نیسان ماکسیما" ک  رانندەیگ و سەرنشینیگ لەناوی بۊ وە خێرایی فرەیگ لە ئاراستەی فرۆکەخانەی هەولێر وەرەو کەرکوک چگە، لەناکاو کۆنترۆل لە دەس دەێد.

وتیش؛ " ماشینەگە داگەسە دو ستۊن یەک لە دۊای یەک مەودای نوان دو ستۊنەگە نزیکەی 70 مەترە دۊاجار ماشینەگە و لەریکردنی وەردەوام بۊە  تا دایەسە  سێیەم ستۊن بۊیەسە مدووی مردن رانندەگە و زەخمداری مەترسیداریگ سەرنشینەگە و زەرەد رەسانیە وە ئەو ستۊنەیلە و 75م لە ریەگە.