شەفەق نیوز/ بڕیگ لە کریکارەیل لە شار هەولێر، ئمڕوو دووشەممە، لە وەردەم یەکیگ لە یەکەیل نیشتەجیبوین ناڕەزایی کردن، ئەرا داوای شایستەی پویلیان ک دیر کەفتیە.
کامەران نازم کراکارە لەو شوینە ک لە وەردەمی ناڕەزایی کریا، ئەرا ئاژانس شەفەق نیوز وت: ئی گردەوبوینە لەوەر ئەوە کریا ک خاوەن شوینەگە پویلمان نیەیێد، و ئیمە یە مانگیگە دەس وەکار کردیمنە، و تا ئیسە هویچ پویلیگ وەپیمان نەڕەسیە.
داوا لە لایەنەیل حکومەتی لە هەولێر کرد بکەفنە شوین ئی کارە وپویلمان لە خاوەن ئی کۆمەڵگەی نیشتەجیبوینە بوەێد، ک هەڕەشەمان دانە ئەگەر دەربچیمن یا قسە ئەرا میدیایل راگەیانن بکەینن خەنەمانە زیندان.