شەفەق نیوز/ نور کەریمی نوێنەر وەلی فەقیە و ئیمام جومعەی پارێزگای ئیلام فەیلی، داواکرد لە داین شناسنامە ئەرا کوردەیل فەیلی ك عراقین وه وەرجە دەیان ساڵ هانە پارێزگاگە، وەگەرد قاقەز فەرمیەییگ ئەرا ئاسانکردن ژیان سروشتیان.
کەریمی لە چەووپیکەفتن وەل وەڕیەوبەر گشتی شناسنامە و ئەحواڵ مەدەنی لە ئیلام وت؛ عراقیەگان ک لە پارێزگاگە نیشتەجی بوینە، هویچ کارتیگ یا قاقەزیگ فەرمی ئیرانی نێەیرن، ک یه‌ش ماف هاووڵاتی بوین لەدەسیان بردگە، وکاریگەری خراو شکانیەسە بانیان.
کەریمی داوا لە وەڕیەوبەر شناسنامە و ئەحواڵ مەدەنی کرد ک عراقیەیل ئیلام شناسنامە وەربگرن، تا بتویەنن ژیان سروشتیان گوزران بکەن.
ئاماژەیە ک حکومەتەیل لە شوون یەک عراق تا ٢٠٠٣ ، کوردە فەیلیەگان وەرەو ئیران ده‌ركردن ، دویای ئەوەگ دەسنانه‌بان داراییان و ماڵداریان، و شناسنامەی فەرمییان لەلیان سەنەو.
وهەمیش دەسڵاتەیل ئیران شناسنامە نەیانە کورده‌یل فەیلی، ک ده‌رکریانە، وه مه‌هانه‌ی عراقی بوین خوەیان و خیزانەیلیان کەفتنەس وەر سەختی لە وەڕیەبردن کارەیلیان لە فەرمانگە فەرمیەگان ئیران.