له‌ى باوه‌ته‌و/ حه‌يده‌ر هوشام فه‌يلى وه‌پرس دوسيه‌ى فه‌يليه‌يل له‌ئه‌نجومه‌ن پاريزگاى واست ئه‌را(شه‌فه‌ق نيوز)وت: عه‌بدولكازم قوتبى ك خه‌ڵك شار نوعمانيه و دوياى ته‌مه‌ن 94 ساڵان و 45 ساڵ له غوربه‌ت وه‌سه‌ربرد له‌شوون ئه‌وه‌گ رژيم وه‌رين وه مه‌هانه‌ى ته‌به‌عيه كووچ وه‌پيان كرد وه‌ره‌و ئيران و بومبيگ خستنه ناو ماڵه‌گه‌ى و دايگى وباوگى و دويه‌ته گه‌وراگه‌ى و قه‌وميگى كوشتن وه‌بى هويچ هووكاريگ، دوياى ئى هه‌مگه ساڵه‌يله تازه وه‌ى دوياخره ره‌گه‌زنامه‌ى عراقى وه‌پى دريا.
جى باسه، وه بوونه‌ى سياسه‌ته‌يل رژيم وه‌رينه‌و ره‌گه‌زنامه‌ى عراقى له كورده‌يل فه‌يلى سه‌نرياوه‌و ته‌نانه‌ت تائيسه‌يش دوياى رميان ئه‌و رژيميشه هيمان جى شه‌رمه‌زاريه ئه‌را حكومه‌ت عراقى ك گام خاسيگ له‌ى باوه‌ته‌و نه‌ناگه.