شەفەق نیوز/ دوو گەنج زەخمدار بۊن، لەناو رۊداو تەقەکردن لە بازاڕ فرووشتن و سەنین ئاژەڵ، ئمڕوو چوارشەممە، لە هەولێر پایتەخت هەرێم کوردستان.  

وەڕێەوبەرایەتی پۆلیس پارێزگای هەولێر لە بەیاننامیگ وت: لە ساعەت ٩:١٥ شەوەکی ئمڕوو، ئاگەدار وە رۊداویگ تەقەکردن لەناو مەیدان ئاژەڵەل کریان، وەکوتپڕ تیمیگ لە پۆلیس رۊ وەرەو شۊن رۊداوەگە کرد و دەسکریا لێکوڵینەوە.   

بەیاننامەگە وتیش: لەوەر ئەو تەقەکردنە دوو گەنج زەخمدار بۊن یەکیگیان وەناو (رەشید زیرو محمد) تەمەن ١٩ ساڵان،  و ئەوەکە وەناو (فەرەیدون محمد موحیی) لە تەمەن ٢٥ ساڵان، لەوەر گرفیگ کۆنە، و باس وازکردن لێکۆڵینەوە لە رۊداوەگە کرد.