شەفەق نیوز/ دوو حزب سەرەکی لە هەرێم کوردستان، پارت دیموکرات کوردستان و یەکێتی نیشتمان کوردستان، شەوەکی ئمڕوو سێشەممە، گردەوبوینیگ لە ناوچەی پیرمام لە شار هەولێر ئەنجام دان، ئەرا دانوسەنین لە دروسکردن حکومەت نوو، دویای هەڵوژاردن پەرلەمان کە لە مانگ تشرین یەکەم گوزەشتە تەواو بوی.
پەیامنێر ئاژانس شەفەق نیوز وت: شاند یەکێتی وە سەرۆکایەتی قوباد تاڵەبانی و ئەندامیەتی رێواز فائق و شمارەیگ لە وەرپرسەیل حزبەگە، لە وەختیگ هۆشیار زیباری لە سەرۆکایەتی شاند پارتی بوی، وەیلتەری دڵشاد شەهاب و پشتیوان سادق.
یە دویەم گردەوبوینە ناوەین دوو حزبەگە، دویای گردەوبوین لە سلێمانی لە کۆتایی مانگ تشرین دویەم گوزەشتە کە یەکەم گردەوبوین فەرمی بوی ناوەین دوو حزب سەرەکی لە هەرێم کوردستان دویای هەڵوژاردن پەرلەمان کە لە مانگ تشرین یەکەم گوزەشتە وەڕیەو چگ، ئەوەیش وە ئامانج دروسکردن حکومەت نوو هەرێم کوردستان.