شەفەق نیوز/ دوو حزبە سەرەکیەگە لە هەرێم کوردستان،  پارتی دیموکراتی کوردستان،  ویەکێتی نیشتمانی کوردستان،  ئمڕوو چوارشەممە،  رێککەفتن هەڵبژاردن پەرلەمانی لە هەرێم کوردستان لە مەوقەی خوەی لە مانگ ئەیلوول لەی ساڵە ئەنجام بیریەێد.       

ئەوەیش لە بەیاننامەیگ هاوبەش لەلایەن دوو حزبە سەرەکیەگە هات، دۊیای گردبۊن شاندەیلیان، لە وەختیگ گوزەیشتەی ئمڕوو،  لە شار سلێمانی.     

ئمڕوو، لە وەختیگ گوزەشتە،  شاند پارتی دیموکراتی کوردستان،  سەردان نۊسینگەی سیاسی یەکێتی نیشتمانی کوردستان کرد، ئەرا باسکردن چەن باوەتیگ لە هەڵبژاردن هاتگ، و باوەت دروسکردن حکومەت نوو عراق.