شەفەق نیوز/ سەرچەوەیگ پزشکی لە ئیدارەی گەرمیان، ئمڕوو سێشەممە، خەوەردا لە کۆتاییهاتن قەیران کریکارەیل پاکەوکردن لە دامودەزگایل تەندروسی و گلەوخواردنیان ئەرا کار، دویای زیاتر لە چوار مانگ لە بایکۆتکردن لەوەر هوکارەیلیگ دارایی و هونەری.
سەرچەوەگە ئەرا ئاژانس شەفەق نیوز وت: کیچەڵەیل دارایی و هونەری وەلایەن کۆمپانیای تایبەت خاوەن گریەبەسی وەگەرد کراکارەیل پاکەوکردن چارەسەر کریا، و گریەبەسی یاسایی نوویگ ناوەین هەردوگ لایەنەگە واژوو کریا.
سەرچەوەگە دیاری کرد ک هوکارەیل بایکۆتەگە لەوەر نووەونەکردن گریەبەسی کراکارەیل پاکەوکردن وەلایەن کۆمپانیاگە و دیرکەفتن خەرج مووچەیان لەوەر کەمی لە پویل لەلای بانکەیل.
بایکۆتکردن کراکارەیل پاکەوکردن لە گەرمیان بویە هوکار بڵاوبوین و کەڵەکەبوین کەناڵخە لەناو خەسەخانەیل، کە ناچار حکومەت هەرێم کوردستان و وەزارەت تەندروسی لە هەرێم کرد دەس بیەنەوەر و کۆتایی وە قەیرانەگە بارن.
شمارەی کارمەنەیل خزمەتگوزاری لە ٨٠ کراکار زیاترە وەگورەی قسەی شەهاب
حاجی ئەحمەد قایمقام کەلار لە ئیدارەی گەرمیان، ک وەرجەیە ئەرا ئاژانس شەفەق نیوز قسە کردیە.