شەفەق نیوز/ بڕیارە سوو پەنجشەممە، مەسرور بارزانی سەرۆک حکومەت هەرێم کوردستان دویای تەواوکردن سەردان ئیسەی لە دەوڵەت ئیمارات، روی وەرەو فەرەنسا بکەێد.
سەفین دزەیی وەرپرس فەرمانگەی پەیوەندیەیل دەیشتەکی لە هەرێم کوردستان لە دوبەیەو وت: دویای تەواوبوین لویتکەی جەهانی حکومەتەیل لە ئیمارات، ئەوەسا سەرۆک حکومەت هەرێم کوردستان وە سەردانیگ فەرمی روی وەرەو فەرەنسا کەێد.
وتیش: سەردانەگە گفتوگۆ لە پەیوەندیەیل ناوبەین هەولێر و بەغدا لەناوی کریەێد، وەگەرد باوەتەیل ئی وەختە وەگەرد وەرپرسەیل لە پاریس.
رووژ یەکشەممەی گوزەشتە، مەسرور بارزانی سەرۆک حکومەت هەرێم کوردستان وەیاوەری شاندیگ حکومەتی روی وەرەو ئیمارات کرد، ئەرا بەشداریکردن لە لویتکەی جەهانی حکومەتەیل لە شار دوبەی، ک لە ١٣ی ئی مانگە دەسوەپی کرد و تا ماوەی سێ رووژ وەردەوامە.