شەفەق نیوز/ نرخ مامر زنی لە ئیدارەی گەرمیان لە هەرێم کوردستان، داوەزیان وەرچەویگ توومار کرد، دویای بڕیار حکومەت فیدراڵی وە قەیەغەکردن هەناردەی مامر ئەرا ناوڕاس و باشوور وڵات.
ئی گامە لە چوارچیوەی تەقەلای حکومەت فیدراڵی تیەێد ئەرا رێکخستن بازاڕ مامر و بوودە نرخیگ گونجیاگ، کە بڕیارەگە نواگردن بانوخوارکردن نرخ لەناو بازاڕ کەێدە ئامانج.
محمد جەلال مامرفرووشە لە قەزای کەلار لە ئیدارەی گەرمیان، ئەرا پەیامنێر ئاژانس شەفەق نیوز ئویشێد: داوەزیان نرخ دۆلار داواکاریی زیایەو کرد، و فرووشەیل خاسیگ وەدەس هاوردیمن.
ئویشێدیش؛ رخمان چوود دووارە وازکردن هەناردەی مامر جاریگ ترەک نرخەیل بەرزەو بکەێد، کە کاریگەری لەبان سەنین دیرێد.
ئی داوەزیانە لە نرخەیل کاریگ سروشتی لەئەنجام ئاڵشتبوین بازاڕ تیەێد، و سەختیەیل وەردەوام لەڕوی کەرت مامی لە عێلی نشان دەێد.
لەی مانگەیل دویاییە، نرخ مامر لە هەرێم کوردستان بانوخوارکردن تیژیگ وەخوەی دی، لەوەر بەرزەوبوین خەرج بەرهەمکردن، و هاوماڵیکردن هاوردە، کە خاوەن مامرەیل و بازرگانەیل چەوەڕی ستراتیژی گورجیگ کەن، ئەرا مسۆگەرکردن ئارامگردن نرخەیل و جیوەجیکردن خوازینەیل بازاڕ.