شەفەق نیوز/ دەسەڵاتە تەندروسیەگان لە قەزای ئاكرێ سەروە پارێزگای دهۆک لە هەرێم کوردستان، ئمڕوو یەکشەممە، پەنابردن وە چارەسەرکردن تووشهاتگەیل کۆڕۆنا لەناو ماڵه‌یلیان، دویای زیایبوین ژمارەی تووشهاتنەگان، و ئەویش لەوەر بەشنەکردن خەسەخانەگان وە ژمارەی تووشهاتگەیل ڤایڕۆسەگە.
سەباح زهێر وەڕێوبەر راگەیانن تەندروسی ئاكرێ ئەرا ئاژانس شەفەق نیوز وت: ژمارەی تووشهاتنەگان لە قەزاگە رەسیە ١٦٧ کەس، وئاماژەدا ک شیوەی کەرەنتین تەندروسی ئاڵشتبوی دویای زیایبوین تووشهاتنەگان لە ناوەند قەزاگە و ژمارەیگ لە ئاوایەگانی.
سەباح ئاشکراکرد ک ٣٠ تووشهاتگ وە ڤایڕۆس کۆرۆنا کەفتنە کەرەنتین لە ماڵەیل خوەیان لە ژوورەیلیگ تایبەت، وەگورەی مەرجەیل تەندروسی، و چارەسەری وەرگرن لەلایەن تیمە تەندروسیەگان وەبی ئەوەگ تیکڵاو خیزانەیلیان بوون.
وەرپرس تەندروسی ئاكرێ داوا لە هاووڵاتیەیل کرد پابەندبوون وەرینما تەندروسیەگان، دویای زیایبوین ژمارەی تووشهاگەیل لە قەزاگە.