شەفەق نیوز/ ئیحسان چەلەبی وەڕیەوبەر ناحیەی سیدەکان، ئمڕوو پەنجشەممە، خەوەردا ک چەن ناوچەیگ لە ناحیەگە کفتنە وەر بمباران فڕۆکەیل بێفڕۆکەوان.
چەلەبی ئەرا ئاژانس شەفەق نیوز وت: بمبارانەگە ناوچەی کلی رەش و ئارستا وە شیوەی خەسیگ کردە ئامانج و لەلایەن تورکیا بوی.
وتیش: وەگورەی زانیاریەیل سەرەتایی، هویچ قوربانی و زەخمداری لەلی نەکفتیە.
دامەزراو دژەتیرۆر لە هەرێم کوردستان، رووژ چوارشەممە، راگەیان ک سوپای پاسدران ئیران پەلاماریگ وە چوار چین لەبان هەرێم کوردستان جیوەجی کرد، ک ١٣ شەهید و ٥٨ زەخمدار خست.