شەفەق نیوز/ حکومەت هەرێم کوردستان، ئمڕوو یەکشەممە، راگەیان کە مووچەی فەرمانبەرەیل کورد، ئەرا مانگ تشرین یەکەم گوزەشتە، دووسوو سێشەممە بەشەو کریەێد.

حکومەت هەرێم لە بەیاننامەیگ رەسیە ئاژانس شەفەق نیوز وت: لە بنەمای بڕیار گردەوبوین دوایین ئەنجومەن وەزیرەیل لە هەرێم کوردستان، و لەبان تەمەی مەسروور بارزانی سەرۆک حکومەت، شاندیگ کورد، ئمڕوو یەکشەممە، سەردان بەغدا کرد، ئەرا دانوسەنین وەرد وەزارەت دارایی فیدڕاڵی ئەرا چارەکردن باوەت مووچەیل هەرێم.

وتیش: بەشەوکردن مووچەی مانگ تشرین یەکەم، ئەوەسا لە رووژ سێشەممە 17/ 12 بەشەو کریەێد و نرخدار سەبر فەرمانبەرەیل هەرێم کوردستان کرد، دووپاتیش کرد کە وەهەر شیوەیگ واز لە مافەیلیان نیاریمن. 

شەوەکی ئمڕوو، شاندیگ لە وەزارەت دارایی و ئابووری لە هەرێم کوردستان، سەردان بەغداد پایتەخت کرد، ئەرا دانوسەنین وەرد لایەنەیل فیدراڵی پەیوەندیدار لەبان دیرکەفتن نووسەی سێ مانگ تشرین یەکەم و تشرین دویەم و کانون یەکەم.

سەرچەوەیگ ئاگادار ئەرا ئاژانس شەفەق نیوز وت: شاندەگە وە سەرۆکایەتی ئاوات شێخ جەناب وەزیر دارایی لە هەرێم چگە.