عەبدولڕەحمان خانی، وەڕێوەبەر گشتیی بەنداوەیل هەرێم کوردستان، لە بەیاننامەیگ رەسیە ئاژانسی شەفەق نیوز وت:  “21 بەنداو لە هەرێم کوردستان هەس، و دوو لەو بەنداوەیلە بەنداو دوکان و دەربەندیخان، ئەرا  بەرهەمکردن وزەی کارەباس”، وتیش: “پلان ئەرا دانان وێستگەی کارەبای ئاو لەبان بەنداوەیل باوەنوور و مەندەوە هەس، و وێستگەیل کارەبای ئاو بە گشت بەنداوە گەورویل دیاری کریانە.”

 لە هەر سێ پارێزگاری هەولێر، سلێمانی، دهۆک، و ئیدارەی سەروەخوەی گەرمیان، ١٨ بەنداو دروس کریانە، وە توانای ئەمارکردن ٨٠ ملیۆن و ٧٥٦ ملیۆن مەتر سێجا ئاو، کە ٥یان لە پارێزگای هەولێرە، کە بەنداوی (جەلی، دێگلە، حەمامۆک، کۆدەڵە، و چەمگرە)ن  و ٤ بەنداو ترەک لە سلێمانی، (شێوەسوور، هەشەزین، چەمی سەمۆر، و دێوانە)، و دوو بەنداو لە پارێزگای دهۆک، ئەوانیش (بێدۆهی و خەنەس)، بیجگە لە ٧ بەنداو ترەک لە سنوور ئیدارەی گەرمیان کە بەنداوەیل (باوشاسوار، حەسەن کەنووش، هەڕاوە، و قادر کەرەم و توورەجار ).

خانی وتیش: "خەرج دروسکردن 14 بەنداو نزیکەی 108 ملیار و 68 ملیۆن و 286 هەزار و 798 دینار بویە، و خەرج چوار بەنداوەگەی ترەک 21 ملیۆن و 134 هەزار و 694 دۆلار بویە".

 وتیش "لە ناو ئەو 18 بەنداوە کە دروسکردنیان تەواو بویە، 4 لەو پڕۆژەیلە بوین کە لەلایەن حکومەت نۆهەمەو پەرە داگە و جیوەجی کریان، کە بریتین لە بەنداوەیل چەمەرگە لە هەولێر، دێوانە لە سلێمانی، خەنەس لە دهۆک، و توورەجار لە گەرمیان"، و خەرج دروسکردن ئی بەنداوەیلە 45 ملیار و 55 ملیۆن و 779 هەزار و 650 دینار بویە، و توانای هەڵگردن 29.1 ملیۆن مەتر سێجا ئاوە.

وەڕێوەبەر گشتیی بەنداوەیل هەرێم کوردستان دووپات کرد کە “حکومەت نۆهەم هەرێم بیجگە لە تەرخانکردن پویل ئەرا تەواوکردن بەنداوە ناتەواوەیل، دەسکردیە وە دروسکردن بەنداوەیل ترەک لە ناوچە جیاجیایب٥ هەرێم، کە 13 بەنداو هەس، فرەیان رەسینەسە کۆتایی، وە توانای هەڵگدن نزیکەی 269  ملیۆن مەتر سێجا ئاو لە هەرێم.

وتیش: ئمساڵ تەقەلای دروسکردن14 بەنداو تەواو دەیمن تا بتوەنین ئاویگ زیاتر هەڵبگرین، و 4 لەو بەنداوەیلە لە پارێزگای هەولێرن، 3 لە سلێمانی، 2 لە دهۆک، 2 لە سنوور گەرمیان، و 3 ئینچ لە دەیشت سنوور ئیدارەی هەرێم، بڕ گشتی  ٥٥٣ ملیار و ٩٢٤ ملیۆن و ٧٢٦ هەزار و ٩١٧ دیناری بۆ تەرخان کریایە”.