شەفەق نیوز/ وەڕیەوبەرایەتی حەج و عومرە لە هەرێم کوردستان، ئمڕوو شەممە، مردن خانمیگ حاجی کورد مەوقەی جیوەجیکردن مەناسک حەج لە سعودیە راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: دویای بیسەروشوینیی خانمە حاجی (عیش شێخ عەبدولڵا) مەوقەی جیوەجیکردن مەناسک حەج، و دویای مینەکردن خەسیگ وەلایەن تیمەیل وەڕیەوبەرایەتیەگە لە یاوەری حاجیەیل، ئەو خانمە حاجی لەناو یەکیگ لە خەسەخانەیل مەککە وە مردی پەیا کریا.
بەیاننامەگە وتیش: ئەو خانم حاجیە خەڵک ناوچەی (پیران)ە لە پارێزگای هەولێر، و لەداڵگبوی ١٩٥٩، وتیش؛ تیمەیل وەڕیەوبەرایەتیەگە ئیرنگە تەقەلا دەن ریکارەیل وەخاکسپاردن ئەو خانم حاجیە لە قەورسان (شەرائع) لە مەککە تەواو بکەن.
تا ئیسە چوار حاجی خەڵک هەرێم کوردستان لەناو جیوەجیکردن حەج لە سوعدیە لەی ساڵە گیانیان لەدەس دانە.