شەفەق نیوز/ وەزارەت کارەبا لە هەرێم کوردستان، ئمڕوو یەکشەممە، گلەوخواردن کارەبا ئەرا سروشت خوەی راگەیان لە گشت ناوچەیل هەرێم کوردستان، دویای بڕیانیگ ناکاوی لە ساعەت چوار شەفەق.
وەزارەتەگە لە بەیاننامەیگ رەسیە ئاژانس شەفەق نیوز وت: بڕیانەگە لەوەر گیچەڵیگ لە هەناردەکردن غاز بوی، کە کاریگەری لەبان کار ویستگەیل کارەبا داشت.
وتیش: تیمەیل خاسەوکردن توەنستن گیچەڵەگە چارە بکەن، و کارەبا ئەرا سروشت خوەی بارنەو.