شەفەق نیوز/ سەرچەوەیگ سەربازی، ئمڕوو چوارشەممە، خەوەردا کە فڕۆکەی جەنگی تورکیا، پەلامار شوینەیل پەکەکە دانە لە زنجیرە کویەیل مەیین لە قەزای ئامێدی باکوور پارێزگای دهۆک.
سەرچەوەگە ئەرا ئاژانس شەفەق نیوز وت: گورزەگە دەورگرد ئاوای باپیری و رورمیل کردە ئامانج.
هەرلیوا، کەسەیلیگ خەڵک ئاوای باپیری وتن: وەرجە دوو رووژ کاروانیگ سوپای تورکیا لەوەر چەویان لەناو ئاوایەگە رەد بویە، و سەرباز و ئامێر سەربازی باریان بویە، و روی وەرەو کویەی مەتین کردن.
لە قسەیلیان ئەرا ئاژانس شەفەق نیوز وتنیش: یە یەکەمین جارە سەرباز تورک لەی ناوچەیلە بوینن.