شەفەق نیوز/ چالاکوانەیلیگ لە قەزای عمادیە باکوور پارێزگای دھۆک لە هەرێم کوردستان، ئمڕوو پەنجشەممە، ئاشکرا کردن ک وەردەوامی وەفروارین لە یەکیگ لە ناحیەیل سنووری وەگەرد تورکیا، ریوبان سەرەکی بڕیە، و لەو ئاوایەیل قەزاگە بڕیەسەوەی.
چالاکوانەیگ وەناو ڕێبەر دیرشکی ئەرا ئاژانس شەفەق نیوز وت: دویەم چین وەفر دویەشەو لە چەن ناوچەیگ لە ناحیەی کانی ماسی سەروە قەزای عمادیە لە پارێزگای دهۆک وارێد.
ئی ناوچە وەرجە سێ ڕووژ هەمیش وەفر لەناوی وارێد.
دیرشکی وتیش: تیمەیل ماڵین وەفر ئیرنگە کار ئەرا وازکردن ریوبانەیل سەرەکی کەن، دویای ئەوەگ وەفرەگە ریەیل رەسین ئەرا ناحیەگە بڕێد، و دیاری کرد ک کوڵفتی وەفرەگە لەی ناوچەیلە رەسیە ٢٨ سانتیمەتر.