پەرە بسینێد، وە ئامانج کیشانن گەشتیارەیل ئەرا شارەگە، و دروسکردن ئارەزوو حکومەت ئەرا ئی کەرت نووە لە عراق.

 سەرۆک یانەگە محەمەد دۆسکی ئەرا ئاژانس شەفەق نیوز وت: ئەندامەیل یانەگە فێرخواز بوین لەلیر کە دویای وەدەسهاوردن بڕوانامەی ناودەوڵەتی، یانەی وەرزشی ئاسمانی دهۆک لە ساڵ ٢٠٢٠ دامەزریا.

 وتیش: ئیرنگە یانەگە 33 باۆیگە٦ نیر و ما هاناوی کە گشتیان لە شار دهۆک هاتنە، وتیش: یانەگە چەن جویریگ وەرزشی ئاسمانی لەخوەی گرێد، لەوانە فڕین ئازاد و پارا فڕین و پارا ترای برێکلەندینگ.

دۆسکی وتیش: سروشت کەشوهەوای شار دهۆک دەسمیەتی دەێد تا  یانەگە لەناو باشترین یانە پیشکەفتنەیل عراق بوود.

 سەرۆک یانەگە داوا لە لایەنە پەیوەندیدارەیل کرد گرنگی وەی لایەنە وەرزشییە بیەن، وتیش: هویچ بودجەیگ لەلایەن حکومەت و لایەنیگ ترەک نییە و ئەوانیش خوەیان خەرج  کەرەستە و خوازینەیل هەڵگرن، یەیش خەرج فرەیگ خوازێد.

 سەرۆک یانەی وەرزشی ئاسمانی دهۆک دووپات کرد کە ئەندامەیل یانەگە خاوەن بڕوانامە و مووڵەت ناودەوڵەتین، یەیش ری وەپییان دەرد خەڵک وەرد خوەیان لە ئاسمان هەڵگرن، کە هیشت شمارەی فرەیگ ئاماتۆر و گەشتیار سەردان ئەو شوینەیل فڕۆکەوانیە بکەن کە ئەرا یانەگە دیاری کریانە.

 لای خوەییش بازیگەر مینا رزکار خوەشحدهاڵی خوەی نشان دا ئەرا پەیوەندیکردن وەی تیپە، باس شانازی خوەی کرد وە ئەنجامدان ڕی وەرزشە لە مناڵییەو و خواست خوەی ئەرا بەشداریکردن لە کۆڕ و پاڵەوانێتییە ناودەوڵەتییەیل لە بانان.

 جی باسە کە ئی وەرزشە گەشەسەنین خاسیگ لە عراق دوینێد، کە 4 تیپ لە هەرێم کوردستان دامەزریاس لە هەولێر، سلێمانی، و دهۆک، بیجگە لە شمارەیگ ترەک لە ناوچە جیاجیایب عراق.