شەفەق نیوز/ وەرپرس هیزەیل پیشمەرگە ئەرا مقەیەتیکردن ژینگە لە دهۆک، ئمڕوو چوارشەممە، دووپات لە وەخشین دانشتگەیل ناوچە کوێەیلە لە بڕیار قەیەغەکردن بڕین دار کرد، و ری وەپیان بیریەێد تا دار بووڕن، چوینکە نیەتوەنن نەفت چەرمگ بسینن.

کۆرکی ئەرا ئاژانس شەفەق نیوز وت: ئەو هاووڵاتییەیلە ک نیاز گردەوکردن و بڕین دار هشک دیرن، بایەتە سەردان بارەگای فەرماندەیی هیزەیل پیشمەرگە ئەرا مقیەتیکردن ژینگە بکەن، تا کتاویگ وەپیان بیریەێد ک ری ئەرا گردەوکردن دارەیل بیاشتوون.

وتیش: پارەکە، ریکارەیلیگ یاسای لەبان ٤٤ کەس بریا، دویای بڕین دارەیل بەردار، و دووپات کرد ک ئاست پێشێلکارەی لەبان یاسای داربڕین کەمەو بوی، لەوەر کاریگەری هەڵمەتەیل هوشیاریکردن هاووڵاتییەیل وە گرنگی مقەیەتیکردن ژینگە، و تا ئیسە سزای ١٠ کەس وەو یاسا دریاگە.

لەلای خوەییش، کاوە سەبری وەڕیەوبەر فەرمانگەی باخەوانی لە دهۆک وت: ئاست شوینە سەوزەیپ ئەرا ١٢% داوەزیا، دویای ئەوە ک لە ساڵ ١٩٥٧ ئاستەگەی ٣٠% بوی لە پارێزگاگە، ئەوەیش لەوەر ئاڵشتبوین کەشوهەوا و هشکەساڵی و زیایبوین دانیشتگەیل وەگەرد جەنگ ناوبەین تورکیا و پەکەکە لەناو خاک هەرێم کوردستان و هیزگردن ئاگر دارسانەیل.

وتیش: خەڵکەگە نیەتوەنن ٢٠٠ هەزار دینار بیەنە ٢٠٠ لەتر نەفت چەرمگ، تایبەت ئەوانەگ هانە ئاوایە سنووریەیل.

وتیش: یەک بەرمیل نەفت بەش زیاتر لە بیس رووژ نیەکەێد، وەگورەی قسەی خەڵکەگە.