شەفەق نیوز/ وەڕێوەبەرایەتی کاروبار مین لە دهۆک، ئمڕوو دووشەممە، راگەیان ئۆپراسیۆنیگ مەیدانیانەی فراوانیگ ئەنجامدانە ئەرا لاوردن و پویچەوکردن دەیان مادەی تەقەمەنی کە لە ناوەچەیل جیاواز پەیاکریانە و لە قەزای ئامێدی باکوور پارێزگاگە.

وەڕێوبەر کاروبار مین لە دهۆک، شیلان نهیلی وە ئاژانس شەفەق نیوز وت "تیمەیل ئەندازیاری تایوەت سەر وە فەرمانگەگە توەنستنە وە سەرکەفتیانە مامەڵە وەرد شمارەیگ مادەیل تەقەمەنی رخدار بکەن کە کە وە شیوەی راستەوخوەی هەڕەشە وەبان زندگی مەردم سڤیل ناوچەگە دروسکردبوی".

ئاشکرایکرد "لەدیایرتینی کە مامەڵە وەگەردیاکردنە درۆنیگ بۆمبرێژکریاگ بوی کە لە دەوروگەرد ناحیەی سەرسنگ پەیاکریاس، وەرد توپیگ عەیار 82ملم کە لە ئاوای بلیجان پەیاکریاس".

وتیش، "تیمەیل پویچەوکردن شمارەیگ هاوەن و توپ پویچەوکردە، وەرد کۆمەڵیگ مین کاڵیاگ لە زەوی لەناوچە جیاوازەیل  قەزاگە" دیاریکرد"بڕیگ لەی وەجیماگەیل جەنگیە ئەرا شوین و ئەممار بیوەیگ سەر وە وەڕێوەبەرایەتیەگە کلکریانە، ئامادەکریاس ئەرا مامەڵەکردن وەردی وەشیوەی تەکنیکی تا زەرد گیانی و مادی نەڕەسنێد".

دیاریکرد، ناوچە کویەیلەی سەر وە قەزای ئامێدی وە تایوەت هاوسنوورەیل تورکیا ماوەی چەن دەیەیگە ،وەدەس ئاسەوارەیل جەنگەیل چەکداری ناوەین پەکەکە و هێزەیل تورکیا ناڵن،  کە بویەسە مدوو بڵاوبوینەوەی فراوانیگ مین و وەجیماگەیل جەنگی نەتەقیاگ، هەمیشە رخداری وەبان دانشتگەیل ناوخوەی  پەیاکەێد و ریگری لە تەقەلایەیل ئەوزەڵداین  سەقامگیری ناوچەگە کەێد.