شەفەق نیوز ـ دهۆک
وەڕێوەبەرایەتی کشاوەرزی دهۆک، ئمڕوو یەکشەممە، قەیەغەی هاوردەکردن پەتاتە ئەرا پارێزگاگە راگەیان، و دووپاتکرد بڕیارە وە درویژایی ساڵەگە وەردەوام بوود وە ئامانج مقیەتیکردن و پاڵپشتی بەرهەم ناوخوەی کشاوەرزەیل.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت، هاوردەکردن پەتاتە ئەرا ناو پارێزگاگە قەیەغەکریاس هەمیش ئەرا قەزای ئاکرێ و بەردەڕەش، وە مدوو فرەیی بەرهەم ئمساڵ، دیاریکرد هاوردەکردن پەتاتە وە شیوەی نایاسایی ئاستەنگ لەنوای بازاڕ بەرهەم ناوخوەیی دروسکردیە.
وتیش، بڕیگ لە بازارگانەیل پەتاتە لە ئیرانەو لەری پەرویزخان ئەرا بازاڕ گەرمیان و کەلار تیارن، یەیش زەرد وە بەرهەم ناوخوەی رەسنێد، هیلێد کشاوەرزەیل دوای قەیەغەکردن بکەن.