شەفەق نیوز/ سەرچەوەیگ لە پۆلیس خۆجێی لە پارێزگای دهۆک، ئمڕوو جمعە، خەوەردا لە خوەیکوشتن گەنجیگ لە ناحیەی کوردسین لە قەزای عەقرە.
سەرچەوەگە ئەرا ئاژانس شەفەق نیوز وت: عەبدولڵا رەمەزان لە تەمەن ٢١ ساڵان، شەوەکی ئمڕوو، خوەی وەسێدارە دا لەناو ماڵەگەی لەناحیەگە و خوەی کوشت.
سەرچەوەگە وتیش؛ پۆلیس وەردەوامە لە لێکۆڵینەوەگان ئەرا زانستن ووردەکاریەیل رووداوەگە.
ئەیە شەشەم خوەیکوشتنە لە ماوەی چوار رووژ گوزەیشتە ک دهۆک تۆماریان کەێد، ک وەرجەیە پەنج گەنج خوەیان کوشتن، و چوار دوێەت هاناویان، و فرەیان لە ئەیزیدیە لە ئاوارەگانە، و تەمەن خوەیکوشەگان هالە ناونی ١٥ تا ٣٠ ساڵان