له‌ به‌ياننامه‌ى ده‌زگاى ناوبرياگ ئه‌را(شه‌فه‌ق نيوز)ئه‌وه‌ ده‌ركه‌فت ك وه‌ هاوبه‌شى وه‌ل ئه‌و ده‌سميه‌ته‌ ك پيشكه‌ش كرياگه‌ له‌لايه‌ن حكومه‌ت پۆڵه‌ندى و ريكخرياگ LDS ئه‌مريكى كاروانيگ له‌ خوه‌راك و هه‌وه‌جه‌يل تايبه‌ت وه‌ مناڵه‌يل ره‌سياسه‌ كويه‌ى شه‌نگاڵ ئه‌را كووچبه‌ره‌يل وه‌تايبه‌ت كورده‌يل ئێزيدى ك هه‌وه‌جه‌ وه‌گشت جووره‌ ده‌سميه‌تيگ ديرن.

به‌ياننامه‌گه‌ هه‌ميش وت: ئه‌و كاروان ده‌سميه‌ته‌ ك ره‌سيه‌سه‌ كويه‌ى شه‌نگاڵ دابه‌ش كرياگه‌ له‌بان 1100 مناڵ ئێزيدى ك پيكهاتگه‌ له‌ شير و جنگ تايبه‌ت وه‌ مناڵه‌يل كورپه‌و شامبۆ و سابوون و جووراو و چشته‌يل تر بيجگه‌ ده‌سميه‌ته‌يل تر.