له‌ ڕى وڕه‌سميگ وه‌ سه‌رۆكايه‌تى سه‌ليم جبورى سه‌رۆك ئه‌نجومه‌ن نوێنه‌ره‌يل عراقى ك(شه‌فه‌ق نيوز)ئاگادارى بوى، ئاهه‌نگيگ وه‌ بوونه‌ى ده‌زگاى خه‌يرخوازى بارزانيه‌و ساز كريا جوور خاسترين ده‌زگاى به‌شدار و چالاك له‌ خزمه‌ت كووچبه‌ره‌يل و په‌نابه‌ره‌يل له‌بان ئاست هه‌رێم كوردستان و عراق.

له‌ى باوه‌تيشه‌و موسى ئه‌حمه‌د جيگر سه‌رۆك ده‌زگاى خه‌يرخوازى بارزانى له‌ وتاريگ وت: ئى خه‌ڵاته‌ هانداينيگه‌ ئه‌را هه‌وڵ وته‌قلاى ئه‌ندامه‌يل ده‌زگاگه‌ له‌ خزمه‌ت كووچبه‌ره‌يل و په‌نابه‌ره‌يل وه‌بى جياوازى ره‌گه‌زى يا ئايينى.