شەفەق نیوز/ سەرچەوەیک لە پارێزگای دهۆک، ئمڕوو دووشەممە، خەوەردا لە زەخمداری مناڵیگ دویای هیزگردن ئاگر لەناو کەمپ مشکۆ لە ئیدارەی سەروەخوەی زاخۆ.
سەرچەوەگە وتیش: نیمەڕو ئمڕوو ئاگر لەناو کەمپ مشکۆ ئەرا ئاوارەیل هیز گرد، و ئاگرەگە بویە هوکار زەخمداری مناڵیگ لە تەمەن ٦ ساڵان، و ئەرا خەسەخانەی زاخۆ کلکریا.
وتیش: تیمەیل وەرگری شارستانی توەنستن ئەو ئاگرە کپەو بکەن، ک زەرەد دارایی رەسانە چادرە ئاوارەیل.