شەفەق نیوز/ پارێزگای دهۆک، لە شەو پەنجشەممە و شەفەق جمعە، واران و وەفروارین خەسیگ وەخوەی دی، کە بەرزترین ریژەی وەفروارین لە مەرز سەرزێڕ لە ناحیەی کانی ماسی لەبان سنوور وەرد تورکیا توومار کرد، کە کوڵفتی وەفرەگە رەسیە 25 سم.

وەگورەی پەیامنێر ئاژانس شەفەق نیوز، وەفر جادەیل سەرەکی دەیشت پارێزگاگە پووشیە، و تیمەیل ماڵین تا ئیسە توەنستن فرە لەو ریەیلە بماڵن، بیجگە ری کویەی گارە لەبان قەزای عمادیەو.

  لەی باوەتە، کەماڵ محمد وەرپرس راگەیانن لە فەرمانگەی خاسەوکردن ریوبان لە پارێزگای دهۆک وت: تیمەیل ماڵین لە ساعەتەیل شەفەقەو دەسکردنە وازکردن ریەیل و لاوردن وەفر لەبان ریەیل سەرەکی، لەناویان ری دهۆک - عمادیە، و ری دهۆک - ناحیەی کانی ماسی تەنانەت مەرز سنووری سەرزێڕیش.

محمد لە قسەیلی ئەرا ئاژانس شەفەق نیوز وتیش: کوڵفتی وەفرەگە رەسیە ناوەین 8 تا 25 سانتیمەتر.