حەسەن عارف، وەرپرس راگەیانن فەرمانگەی رووشنهویری دهۆک ،ە ئاژانس شەفەق نیوز وت، "مۆزەخانەگە وەجیماگەیل  و ئەو کەرەستەیلە گرێدەخوەی کە لە پرۆسەی ئەنفال رۆلەی بی تاوان کورد وەکارهاوریانە وەبان دەس رژێم بەععس وەرین.

عەلی تەتەر پارێزگار دهۆک لە وتەیگ مەوقەی دانان سەنگ بناغەی مۆزەخانەگە وت؛ " موزەخانەگە هێمایگە ئەرا ئەنفال بادینان، دیاریکرد "فرەیگ لە قوربانیەیل ئەنفال بادینان ژن و مناڵ و وەتەمەن بوین".

تەتەر وتیش؛ "لە درویژایی مێژوو تەقەلایەیلیگ دریاگە ئەرا لەناوبردن گەل کورد و و ئەوەگ لەساڵ 1988 وەبانگەلکورد رویدا گەپترین و تونوتیژترین  و ترسنۆکترین تەقەلای  رژێم بەعس وەرین بویە لە عراق".

دیاریکرد "کۆمەڵگەی ناودەوڵەتی  بی دەنگ بوی هەڵویست نەداشت وەبان ئێ تاوان گەپە".

دیاریکرد، قەڵای نزارکێ لە ساڵ 1976 وە لایەن رژێم سەدام  بیناکریاگە  ئەرا کەرەستەیل سەربازی وەکارهات و لە ساڵ 1988 بویە زیندانخانە کە هەزاران هاوڵاتی بی تاوان ژن و مناڵ و وەتەمەن  لەناوی وە دڕندانەیی ئازار دریانە و لەقێ دیوارەیلی لە سێدارەدریان لە وەخت پرۆسەی ئەنفال.