شەفەق نیوز/ فەرمانگەی ئاسەواری لە دهۆک لە هەرێم کوردستان، ئمڕوو دووشەممە، راگەیان دینەوەی تابلۆیگ لە خوەرئاوای پارێزگاگە چوودەو ئەرا وەرجە ٢١٨١ ساڵ.
قاسم حەسەن وەڕێۆبەر فەرمانگەگە ئەرا ئاژانس شەفەق نیوز وت: تیم وەشکینیگ لە فەرمانگەگە تابڵویگ ئاسەواری لە تەپەی بالیوز دیەو، لە دویری ١٠ کێلومەتر لە سنوور قەزای سیمیڵ خوەرئاوای دهۆک، و دیاریکرد ک تابلۆەگە وە زوان هیلنسی چاڵ کریاگە و چوودەو ئەرا وەرجە ٢١٨١ ساڵ.
حەسەن وتیش؛ کاریگ هاوبەش لەناوبەین تیم رێکخراو ئاسەواری کوردستان و وەڕێۆبەرایەتی ئاسەواری هەرێم دروس کریا ئەرا وەرگێڕان تابلۆەگە.
لەلای خوەییش فەرمانگەی ئاسەوار دهۆک دیاریکرد ک ناو شاە سیلوقی هیلنستی دیمتریوس ک لەو ماوە حکومڕانی ناوچەگە کردگە نوسیاسە بان تابلۆەگە.