شەفەق نیوز- دهۆک

سەرچەوەیگ ئەمنی، ئمڕوو جمعە، خەوەردا لە کوشیان دوو کەس و زەخمداربۊن سێیەمیان وە مدوو رۊداویگ تلیان کە شەوەکی زۊ ئمڕوو لە ناوچەی جەمبوور، باشوور پارێزگای دهۆک رۊ دا.

سەرچەوەگە ئەرا ئاژانس شەفەق نیوز وت، کە رۊداوەگە نزیک سەعات چوار شەفەق رۊ داگە، کە ماشینیگ لە هەولێرەو وەرەو دهۆک هاتگە، داگەسە سێ کەس کە لەناو نۆرەی یەکیگ لە وێستگەیل بەنزین لە ناوچەی جەمبوور چەوەڕی کردنە، کە بۊەسە مدوو گیانلەدەسداین دوو لەلیان و زەخمداربۊن سێیەمیان وە زەخمەیل سەختیگ.

وتیش کە یەکیگ لە کوشیاگەیل کارمەنە لە هاتوچوو وە پلەی رائید، و ناوی زوهەیر سلێمانە، و تەمەنی نزیکەی 35 ساڵانە، لە وەختیگ کەسیگ ناوی عەلی عەبدولڕەحمانە زەخمدار بۊە، و و رەوش تەندروسیی جیگیر نییە، و ئیسە لە بەش چەودیاری هویرد لە خەسەخانەی فریاکەفتن دهۆک خەفتیە.

سەرچەوەگە دیاری کرد کە ژن رانندەی ماشینەگەیش وە زەخمەیل سووکیگ زەخمدار بۊە، لە وەختیگ رانندەگە لە لێکۆڵینەوە سەرەتاییەیل وتگە کە نەۊنستگە ری  بۊنێد وە مدوو تاریکی، و ئاگادار بۊن ئەو کەسەیلە لەوەردەمی نەۊە تا ئەو وەختە کە مەودای ناوەینیان نزیکەی دوو مەتر بۊە، کە یەیش بۊەسە مدوو رۊداوەگە.