شەفەق نیوز ـ دهۆک

وەرگری شارستانی لە پارێزگای دهۆک، ئمڕوو سێشەممە، راگەیان، لە وەرزی بەرهەمهاوردن ساڵ 2026، 10 رویداو هیزگردن ئاگر  لە کشتوکاڵەیل دان توومار کریاس، لەوەختیگ زەرەدە ماددیەیلە کە وە مدوو ئەو رویداوەیلە دروس بویە لە 141 ملیۆن دینار عراقی رەدبوی.

قسەکە وەرگری شارستانی، نەقیب بژار سەفەر، وە ئاژانس شەفەق نیوز وت: "لیژنەی وەدویاچگن   وەرز بەرهەمهاوردن لە 27 کانون دووەم/ یەنایر گوزەشتە پێکهات، وە بەشداری 30 تیم وەرگری شارستانی و وە توان مرۆیی 323 ئەندام و ئەفسەر، و 10 ناوچەی پارێزگای دهۆک".

وتیش: "تیمەیل توەنستن کۆنترۆڵ 10 ئاگرەگە بکەن و کپیانەوبکەن، لەوەختیگ زەردەیل مەزەنەکریاگ رەسیە  141 ملیۆن و 700 هەزار دینار"، دیاریکرد، دەسنیشانکردن رووبەرەیل سزیاگ وە هویردی و دونم کاریەختیگه وە مدوو بڵاوبوین تیم وەرگیری شرستانی لە  ناوچە فراوانەیل پارێزگاکە.

ئاشکراکرد، هووکار  ئاگرەیل دویای کپەوکردن رویداوەیل لەلایەن لیژنەیل لێکۆڵینەوە دیاری کریەنن، وەرد هەبوین هەماهەنگی وەگەرد لایەنە ئەمنیە پەیوەندیدارەیل لە وەخت هەبوین گومان تاوانکاری.

داوا لە هاووڵاتیەیل کرد، ئاگاداریان بکەن لە ری شمارەی خۆرایی 115 لا هەر رویداویگ هیزگردن ئاگ تیمەیل وەرگیری شارستانی 24 ساعەت هانە دۆخ ئامادەباشی.

لە ئاماریگ گشتی ئەرا هەشت مانگ یەکەم ئمساڵ، دیاریکرد،11 حاڵەت تەقەمەنی و وەجیماگەیل جەنگی چارەسەرکریانە، هەمیش 6 حاڵەت  خنکان و 15 زەخمداربوین وە مدوو ئاگرەیل توومارکریان، بیجگە لە رزگارکردنی 5 کەس لە رویداوەیل جوراوجویر و 35 هاووڵاتی کە وەدوو وەفرەو گیربوین.