دزه‌يى له ديماه‌يگ وه‌ل ئاژانس ئه‌نادۆل توركى ك(شه‌فه‌ق نيوز)ئاگادارى بوى، وت: بارزانى زويتر باس له‌وه كردگه ك هويچ كيشه‌يگ نه‌يرێد وه‌ل مه‌ندن يا نه‌مه‌ندنى له پۆسته‌گه‌ى و داواى ئه‌وه‌يش كرد ك ئه‌گه‌ر به‌ديليگ هه‌س با كانديدى بكريه‌ێد، ك هه‌ر وه‌و خاتريشه ئه‌وه‌گ له‌وه‌رانوه‌ر بارزانى ئه‌كريه‌ێد زوڵمه، چوينكه بارزانى هه‌ر له ته‌مه‌ن 14-15 ساڵان بويه‌سه پێشمه‌رگه له جه‌وه‌ڵ و خوه‌ى وه پێشمه‌رگه زانێد نه‌ك سه‌رۆك.
جى باسه، دزه‌يى هه‌ميش وت: بارزانى ئه‌گه‌ر بدێده سه‌رۆك يا نه‌دێ، ماڵ چه‌رمگ هه‌ر فه‌رش قرمز ئه‌ڕاى دائه‌خا، ك يه‌يش ماماى ئه‌وه‌سه بارزانى كه‌سايه‌تييگ كاريزماو خاوه‌ن ئه‌زموونه‌و ته‌ماشاى كورسى ناكاو هويچ وه‌ختيگ كورسى بارزانى به‌رزه‌و نه‌كردگه، به‌ڵكوو بارزانى قيمه‌ت دا كورسى سه‌رۆكايه‌تى.