شەفەق نیوز/ وەڕێۆبەرایەتی ئاسایش لە پارێزگای سلێمانی، ئمڕوو جمعە، راگەیان دەسگیرکردن ٨ کەس وەتوومەت دزیکردن هەزاران دۆلار و دەیان مەلیۆن لە بازرگانەیل پویل.

وەڕێۆبەرایەتیەگە لە بەیاننامەیگ وت: بازرگانەیل پویلەگان کەفتنە وەر دوو دزیکردن جیاجیا لە دوو شوون جیواز لەناو سلێمانی، و ئاماژە کرد ک تاوانە یەکەمەگە دزیکردن ٦٠ هەزار دۆلار ئەمریکی بوی، و ئەواکە دزیکردن ٤٧ مەلیۆن دینار عراقی لە بازرگانەیل پویلەگان بوی.

وەگورەی بەیاننامەگە، هێزەیە ئاسایش ٨ کەس وەتوومەت دزیکردن ئەو پویلەیلە دەسگیر کردن، ک ناوەیلیان: (م،ا،س) لەداڵگبوی ١٩٩١، (ع،ع،ع) لەداڵگبوی ١٩٨٦، (ڕ،م،ل) لەداڵگبوی ١٩٩٧، (ب،ح،ع) لەداڵگبوی ١٩٨٩، (ی،ا،س) لەداڵگبوی ١٩٧٩، (ب،ج،ع) لەداڵگبوی ١٩٩٧، (س،ا،ا) لەداڵگبوی ١٩٩٨، (خ،ح،ع) لەداڵگبوی ١٩٨٦.

بەیاننامەگە وتیش؛ لەبنەمای فەرمانەیلیگ دادوەری دەسگیر کریان، و دەسکریا لێکۆڵینەوەگان وەگەردیان.