شەفەق نیوز/ فەرمانبەریگ لە وەڕیەوبەرایەتی هاتوچو سلێمانی، بڕە پویل فرەیگ دزیە کە رەسێدە نزیکەی 100 هەزار دۆلار ئەمریکی، وەگەرد سەرچەوەیلیگ ئاگادار، ئمڕوو سێشەممە، و دووپاتیش کرد کە لایەنەیل پەیوەندیدار وەردەوامن لە لێکۆڵینەوە ئەرا رەسین وە بندروس رویداوەگە و وەدیکردن شوین دزەگە.
وەگورەی ئەو زانیارییەیلە کە کەفتنەسە دەس ئاژانس شەفەق نیوز؛ ئەو پویلە یە سێ رووژە لە گەنجینەی وەڕیەوبەرایەتی هاتوچو سلێمانی نیەسەی، و نشانەیلیگ هەس کە ئەو فەرمانبەرە بردیەسەی.
سەرچەوەیل دووپات کردن کە ئەو فەرمانبەرە لە بەش ژمێریاری وەڕیەوبەرایەتیەگە کار کەێد، لە وەختیگ ئەو پویلە نەمەنیە نەهاتیەسە دەوام، و مۆبایلەگەی بەساگە، کە گومان کەفتە بانی کە دویای دزیکردنەگە وایە.
وەرانوەر ئەوە، شەفەق نیوز تەقەلا دا وەرد قسەکەر هاتوچو سلێمانی قسە بکەێد، وەلێ دووپات کرد کە هویچ زانیارییگ لەبان ئی رویداوە نەیرێد، و نەوەتیش ئی خەوەرە راس نییە.
لایەنەیل ئەمنی وەردەوامن لە وەشوینکەفتن ئەو فەرمانبەرە و گلەوداین پویلە دزیایەگەر لەناو پرسیارەیلیگ لە چوینیەتی توانای ئەرا بردن ئەو پویلە وەبی ئەوەی کەسیگ لەلی ئاگادار بوود، و ئایا کەسەیلیگ دەسیان لەناو ئەو کارە بویە و ئاسانکاری ئەرا ئی کردەوە کریاس؟.