شەفەق نیوز/ وەڕیەوبەرایەتی وەرگری شارستانی لە ئیدارەی سەروەخوەیی لە هەرێم کوردستان، ئمڕوو جمعە، دراوردن تەرم کەسیگ حنکیاج لە چەم خاپوور راگەیان.
وەرگری شارستانی لە بەیاننامەیگ رەسیە ئاژانس شەفەق نیوز وت: گەنجیگ لەتەمەن ١٨ ساڵان خەڵک شار موسڵ لە گەشتیگ گەشتیاری بویە، و لەناو چەم خاپوور نزیک ئاوای کۆڤکی سەروە ناحیەی باتیڤا خنکیا.
وتیش: تەرم گەنجەگە ئەرا پزشک دادوەری بریا لە زاخۆ ئەرا تەواوکردن ریکارەیل یاسایی.
وەڕیەوبەرایەتیەگە دووارە داوا لە هاوڵاتەیل کرد ئەوپەڕی هوشیار بوون مەوقەی نزیکەوبوین لە چەمەیل، و دووپات کرد کە وە تەواوی ئامادەس ئەرا هەر کاریگ فریاکەفتن لە گشت وەختیگ.