شه‌فه‌ق نيوز/ هه‌زاران كورد له زيندانه‌يل توركيا كوتايى وه مانگرتن له خواردن هاوردن ك جيوه‌جيى كرديان له‌وه‌ر ده‌رخستن ناڕه‌زايى له بارودوخ گيريان عه‌بدوڵڵا ئۆجه‌ڵان سه‌ركرده‌ى ديار كورد, ئه‌ويش له‌بان داواكارييگ ئه‌و سه‌ركرده‌ى زيندانيكردياگه.
له‌ى باوه‌ته‌و، ئاژانس "ئى ئين ئێف " له‌زووان دينيز كايا له به‌ياننامه‌يگ وت: دوياى داواكاريه‌گه‌ى ئۆجه‌ڵان كوتايى وه مانگرتن له خواردن هاورياگه، يه‌يش له‌وه‌ختيگ ئۆجه‌ڵان داوا له يه‌كيگ له دامه‌زرنه‌يل پارت كارگه‌ره‌يل كوردستان كردگه زيندانيه‌يل كورد له توركيا كوتايى وه مانگرتن له خواردن بارن.
جى باسه، حكومه‌ت توركى قه‌يه‌غه‌ى سه‌ردان له‌بان پاريزه‌ره‌يل ئه‌را ئه‌و زيندانه هه‌ڵگرت ك ئۆجه‌ڵان له‌تى ده‌سوه‌سه‌ر كرياگه وه دريژايى ژيان.