ئه‌میر كنانی سه‌ركرده و په‌رله‌مانتار وه‌رين فراكسیۆن ئه‌حرار له ئه‌نجومه‌ن نوێنه‌ره‌یل عێراق، له دیمانه‌ێگ ته‌له‌فیزیۆنی، داوا كرد، وه‌زاره‌ت كووچ و كووچبه‌ره‌يل هه‌ڵبوه‌شنريه‌ێده‌و"، وه‌زاره‌ته‌گه‌يش وه ده‌روازه‌ێگ ئه‌ڕا دزیكردن له‌قه‌ڵه‌مدا.
هه‌ر له‌و دیمانه كنانی وت: "وه‌زاره‌ت كووچ و كووچبه‌ره‌يل هویچ خزمه‌تێگ پێشكه‌ش وه تويژ سته‌مله‌لێكرياێ ئاواره‌گان ناكا، وه‌يخاتره بايه‌سه ده‌سوه‌جێ هه‌ڵبوه‌شنريه‌ێده‌و"، چوينكه وه قسه‌ێ ئه‌و، تائيسه هویچ چشت خاسێگ پێشكه‌ش وه ئاواره‌گان نه‌كردگه.
وتیش: "ئاواره‌گان هانه‌ژێر هه‌ڕه‌شه‌ێ مه‌رگ و له بارودۆخ ناهه‌موارێگ ژیه‌ن و هه‌وه‌جه وه كۆمه‌ك و ده‌سمه‌يه‌ت دێرن، وه‌يخاتره بايه‌سه گشت لایه‌نه‌گان بچنه هانايان و كۆمه‌كیان بكه‌ن".