شەفەق نیوز/ شمارەیل وەزارەت تەندروسی لە حکومەت هەرێم کوردستان، ئمڕوو شەممە ز داوەزین گەورەیگ لە تۊشهاتن و مردنەیل ڤایرۆس کۆڕۆنا لە ماوەی ٢٤ سەعات گوزەیشتە لە گشت ناوچەیل هەرێم کوردستان نشان دان. 

وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی ٣٤٩١ تاقیکردنەوە ئەنجام دانە لەناویان ١٦٢ تۊشهاتن نوو وە ڤایرۆسەگە توومار کردن.  

بەیاننامەگە وتیش: ٤٠١ بیمار لە پەتاگە خاسەو بۊین،  وەرانوەر مردن ٣ بیمار لەوەر پەتاگە.  

بەیاننامەی وەزارەتەگە وتیش: لە وەخت پەیابۊین ڤایرۆسەگە لە هەرێم کوردستان ٢١٨٧١ کەس کەرەنتین کریانە، و ٣٥٤٥٩٦٧ تاقیکردنەوە ئەنجام دریاگە،  لەناویان ٣٧٦٦٥٨ تۊشهاتن ئاشکرا بۊیە، ٣٦٤٦٦٨ لەلیان خاسەو بۊینە، و ٥٠٧٦ مردنە.