سۆران غەفور وەڕیەوبەر ژوورەگە لە کۆنگرەیگ رووژنامەوانی وت: وە هەڵمەت بڕیگ لە خاوەن نانەواخانەیل نرخ نان و سەموون ئەرزانەو کردن، یەیش دویای داوەزین نرخ ئارد وەگشت چینەیلی لەماوەی دوو هەفتەی گوزەشتە لە بازاڕەیل، و دیاری کرد ک وەرجەیە نرخ یەک گونیەی ئارد ٥٠ کێلوی رەسیادە ٥١ هەزار دینار عراقی، و ئیرنگە ئەرا ٤١ هەزار دینار داوەزیا، ئەراوە نانەواخانەیل کیش نانەگە لە ٥٠ گرام کردنە ١٠٠ گرام.
غەفور وتیش: لە سووەو نرخ ئارد داوەزێد، و نرخ هەیشت نان ١٠٠ گرامی بوودە ١٠٠٠ دینار، و نرخ ٦ نان ١٢٥ گرامی بوودە ١٠٠٠ دینار، و نرخ سەموونیش وەگورەی کیشەگەی و چینەگەی داوەزێد.
وتیش: لە سووەو دەسەیل چەودیاریکردن بازرگانی سەردان نانەواخانەیل کەن، تا لە کیش و نرخەگەی نان دڵنیا بوون.
لەوەخت داگیرکردن ئۆکرانیا ئەرا رووسیا نرخ نان لە هەرێم کوردستان و گشت عراق بەرزەو بوی، ئەوەیش لەوەر بەرزەوبوین گەنم هاوردە، ک فرەگەی لە ئۆکرانیا تیەێد.