داوەزین نرخ مامر لە ناوچەیلیگ هەرێم کوردستان.. وینە
شەفەق نیوز/ نرخ مامر لە ئیدارەی گەرمیان لە هەرێم کوردستان، ئمڕوو شەممە، هاتە خوار، دویای بەرزەوبوین وەرچەویگ لە نرخەگەی لە مانگ رەمەزان.
پەیامنێر ئاژانس شەفەق نیوز وت: ئیرنگە نرخ یەک کێلو مامر لە بازاڕەیل رەسێدە ٤.٢٥٠ دینار، و لە ناو کێلگەیل مامر وە ٣.٩٠٠ دینار فرووشتن، و یەیش داوەزینیگە لە نرخەیل، دویای ئەوە ک لە رووژەیل گوزەشتە نرخ یەک کێلو مامر رەسیە ٥ هەزار دینار.
وتیش: مەزەنەی داوەزینیگ زیاتر لە نرخ مامر ئەرا هەفتەی ئایندە هەس، چوینکە جەژن و بوونەیل تەواو بوون.
هەواڵی پەیوەندیدار