شەفەق نیوز/ شمارەیل وەزارەت تەندروسی لە هەرێم کوردستان، ئمڕوو پەنجشەممە، داوەزین تۊشهاتن و مردنەیل ڤایرۆس کۆڕۆنا لە ماوەی ٢٤ سەعات گوزەشتە نشان دان.  

وەزارەتەگە لە بەیاننامەیگ رەسیە ئاژانس شەفەق نیوز وت: تاقیگەیلی وە ماوەی ٢٤ سەعات گوزەشتە ٦٤١٥ وەشکین نوو ئەنجام دانە لەناویان تۊشهاتن ٩٨٥ کەس لە گشت ناوچەیل هەرێم کوردستان ئاشکرا بۊە.  

بەیاننامەگە وتیش: لە خود ماوەگە ١٤٥٨ بیمار لە پەتاگە خاسەو بۊن، وەرانوەر مردن ٥ بیمار لە گشت ناوچەیل هەرێم کوردستان.   

دۊکە چوارشەممە،  هەرێم کوردستان ١١٤٩ تۊشهاتن و ٨ مردن توومار کرد.    

بەیاننامەگە باس گشت شمارەی ئەو کەسەیلە کرد کەرەنتین کریانە رەسیە ٣١٨٧١ کەس، گشتیان دەرچگن، وتیش؛ تاقیگەیلی ٣٨٩٤٤٧٨٨ وەشکین ئەنجام دانە، لەناویان تۊشهاتن ٤١٩٣٢ کەس ئاشکرا بۊە، ٣٩٦١٤٥ بیمار لە پەتاگە خاسەو بۊنە، و ٧٢٨٢ مردنە.